ياسيد الغيـد لا منـي ولا منـك
الحب يجمعنا كـذا سـر ربانـي
صحيح زينك جمالك فتنتـك فنـك
يغرد القلب فيها عشـق واغانـي
مافيه شي(ن) مغبى عني وعنـك
هذي مراسيل قلبي الواله العانـي
قرب مراسيل قلبي بالهوى جنـك
وأستقبل المرسال قلبـك ودنانـي
سمعت حتى ضلوعي يوم نادنـك
وضميت قلبك بقلبي والفرح بانـي
ياسيد الزيـن ياسيـده ولا كنـك
عبدالهوى وانـا عبـده ومندانـي
الروح لجلك رهينه من صغر سنك
وانا اجحده بالخفا وبعدك اشقانـي
القلب والعمـر والـروح يفدنـك
وانا كفايه عليـه شوفتـك هانـي
احياك واحبك واحب الرضا منـك
وتعيش في داخلي ومالك ابد ثاني
كتبها انور الجعفري في 02:13 مساءً ::
4 تعليقات
في13,أيار,2008 - 02:12 مساءً, مجهول كتبها ...
غزل جميل ومرهف
كلمات تليق بالحب والحبيب
جمال داخل الجمال
اخوك\حمد البراك
في18,أيار,2008 - 11:05 صباحاً, انور الجعفري كتبها ...
لك كل الشكر والأمتنان لزيارتك وكلماتك اخوي حمد
شرفتني بزيارتك
في06,حزيران,2008 - 06:40 مساءً, مجهول كتبها ...
نتمنى المزيد من هذا القصائد الجميله
والغزل الشريف والعفيف الذي يليق با المحبوب
*
*
*
*
جاسر العنزي
في07,حزيران,2008 - 08:20 مساءً, انور الجعفري كتبها ...
ياهلا ويامرحبا ياولد عمي جاسر
شرفتني يالغالي بزيارنك واسعدتني بتواجدك وكلماتك