من روائع ولد عمي الشاعر المبدع محمد سليمان عبيد العنزي
ميـلاد عُمـري .. ياعـرب يـوم لقـيـاه
أمـوت واحيـا .. ياعـرب كيـف أشوفـه
قفـى .. وخلـى صاحبـه بشـوق طريـاه
هم ( ن ) يمسي به .. وهـم ( ن ) يحوفـه
العام .. في الشهر " الرضى " خفّ ممشـاه
ستـة عشـر .. قلبـي مُـودع .. هنوفـه
" الجادل " .. اللـي ياعـرب أدمـت حشـاه
يومـه يصيـب .. بحربـة الحُـب جـوفـه
قولوله .. أني كيف .. ؟ وشلون أبسلاه .. ؟!
والله ماأنسـى صاحبـي وكيـف أعـوفـه
تعـال .. ياللـي ساكـن القلـب بأقـصـاه
ياصاحبـي .. حـقـه علـيـك المـروفـه
سلطانهـا حبـي .. علـى ذبحـه أغــراه
يالله عسـى " صلـف " الهبايـب تلـوفـه
والله .. واللـي كـوّن الـكـون ماأنـسـاه
مـا دام .. رأســي ينقلـنّـه .. كتـوفـه
كتبها انور الجعفري في 02:26 مساءً ::
9 تعليقات
في04,حزيران,2008 - 05:30 مساءً, مجهول كتبها ...
سريت في خاطري ورعد البارق الهمال
اسقا الخفوق ولي المحل وسنينة
الله يجازي الصابر لو ان الصبر طال
ويريح انفوس العباد ويبعد الضغينة
يالله طالبك طلب يعقوب يمن الزمن مال
صكت علية المحاني عوفته سنينة
ماطلب في زمنا مايعدل جنية وريال
طلب الصبر وانك علي بلاه تعينة
وان ابغي الصبر لبو عيون وخصر ميال
اركا علي وباح سرقلبي مع مضامينة
في04,حزيران,2008 - 08:22 مساءً, مجهول كتبها ...
ياعيني عليك يامحمد مدرسة انت وولدعمك هذا الي نسمية شعر
بدر الخالدي
في07,حزيران,2008 - 08:15 مساءً, انور الجعفري كتبها ...
الله يحييك اخوي بدر الخالدي بزيارتك الكريمه
وابو سليمان شهادتي فيه مجروحه لأنه قامه شعريه ومدرسه بحد ذاته وشرف لي قربه
ونشري ابداعه في مدونتي المتواضعه
في08,حزيران,2008 - 10:52 صباحاً, مجهول كتبها ...
يعطيك العافيه ابو ثفيل ماقصرت
وصح لسانك ولا تحرمنا من الابداعات
في09,حزيران,2008 - 10:31 صباحاً, انور الجعفري كتبها ...
الله يعافيك يالغالي وصح بدنك ولسان ابو سليمان
وماننحرم من ابداعه وماانحرم من زيارتك الكريمه
في13,حزيران,2008 - 06:13 مساءً, مجهول كتبها ...
أخجلتني .. ياأنور
:
:
لي الشرف بوجود " حروفي " المتواضعه .. بمدونتك
ولك الشكر ..
لقلبكــ .. حدائق ورد .. عزيزي
أخوكـ / محمد سليمان العنزي
في15,حزيران,2008 - 12:23 مساءً, انور الجعفري كتبها ...
الشرف لي ولمدونتي يابو سليمان
المبدع مكانه بالقلوب والذاكره قبل السطور
وتواضعك واخلاقك الجمه لا توجد الا بالكبار امثالك
ادام الله تألقك وابداعك لكي نستمتع
لك باقات الود الخالص
في18,حزيران,2008 - 10:49 مساءً, مجهول كتبها ...
الله يايوفقكم الجميع وصح السنتكم عمك ابويزيد
في20,حزيران,2008 - 08:24 مساءً, انور الجعفري كتبها ...
صح بدنك عمي الكريم كريم وشرفتني بزيارتك الكريمه