يادمع يالي حاير بمحجر العين
لا تنسكب تفضح خفايا خفوقي
ارجوك لا تحفر على الوجه خطين
وتبين المستور بأسرار موقي
مغطيك مع نارك برمشي من سنين
أدراك عن عذال تشمت بعوقي
يادمع يعني هانت العشره الحين
نسيت مسكانك وصبري وذوقي
وين انت رايح سدد بذمتك دين
يشهد عليك الي جرى في عروقي
ملحك ومرك والسهر ثالث الشين
يسوقني لمعاند النوم سوقي
ياقو باسك وانت ألين من اللين
تجزى عيوني بالغدر والعقوقي
يادمع قلي وين رايح على وين
وقف هنا عطني بقايا حقوقي
رد البرا واجب ترى لو بعد حين
منزله من رب فوقك وفوقي
لا تبيح المكنون والسر الثمين
لا تنسكب تفضح خفايا خفوقي
كتبها انور الجعفري في 11:57 صباحاً ::
تعليقان
في06,حزيران,2008 - 06:52 مساءً, مجهول كتبها ...
الله لايجيب الحزن اخوي أنور
ويجعل ايامك كله سعاده
وصح لسانك
اخوك:سلطان العتيبي
في07,حزيران,2008 - 08:18 مساءً, انور الجعفري كتبها ...
اخوي سلطان (يقولون ما لا يفعلون)
وكثير من الاحيان يتلبس الشاعر حالة غيره
صح بدنك يالغالي ويسعد ايامك وشرف لي زيارتك واتمنى ترجع مرار وتكرار